20 октябрьнең төп вакыйгалары - фото һәм сылтамалар
Миңнеханов шәһәр җитәкчелеген фермерларга ярдәм итәргә өндәде, КФУ ректоры укытучыларның хезмәт хакы артачагын әйтте, шикәр чөгендеренең 95% җыелган.
Татарстанда күп фатирлы йортларга капремонт программасының 80 проценты үтәлгән / 2019 елгы программа буенча эш башланган.
Миңнеханов авыл хуҗалыгы ярминкәләрен уздыруны яхшы традиция дип атады / Татарстан Президенты шәһәр җитәкчелеген фермерларга ярдәм итәргә, мәйданчыкларда сату оештыру өчен шартлар булдырырга өндәде.
КФУ ректоры 1 ноябрьдән укытучыларның хезмәт хакы артачагын әйтте / Илшат Гафуров югары уку йортында профессорларның хезмәт хакы нефтьчеләрнекенә караганда югарырак, диде.
Татар халкының үсеш стратегиясе турында фикер-тәкъдимнәр кабул ителә / Тәкъдимнәрне Бөтендөнья татар конгрессы сайтында калдырырга мөмкин.
Татарстан шикәр чөгендере уңышы буенча Россиядә алтынчы урында / 18 октябрьгә булган мәгълүматлар буенча, шикәр чөгендеренең 95% җыеп алынган.
Тәбрис Яруллин узган елгы “Татарча диктант”ны авыр язуын әйтте / Диктантта берничә хата табылган, - диде Бөтендөнья татар яшьләре форумы рәисе.
Гөлшат Зәйнашеваның 90 еллыгына багышланган флешмобка Айгөл Хәйри кушылды / Оештыручылар теләге булган һәркемне флешмобка кушылырга чакыра.
Васил Шәйхразиев төрле милләт кешеләрен “Татарча диктант” язуда катнашырга чакыра / Милләте һәм диненә карамыйча, һәр теләгән кеше, диктант язуда катнашып, татар телен белү дәрәҗәсен тикшереп карый ала, ди ул халыкка мөрәҗәгатендә.
