ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Мәдәният

Гөлшат Зәйнашеваның 90 еллыгына багышланган флешмобка Айгөл Хәйри кушылды

20 октябрь 2018, 09:48 , Фото: Султан Исхаков

Гөлшат Зәйнашеваның 90 еллыгына багышланган флешмобка Айгөл Хәйри кушылды Оештыручылар теләге булган һәркемне флешмобка кушылырга чакыра.

(Казан, 20 октябрь, "Татар-информ"). Гөлшат Зәйнашеваның 90 еллыгына багышланган флешмобка Татарстанның атказанган артисты Айгөл Хәйри кушылды. Ул Гөлшат Зәйнашеваның "Минем исемем Айгөл" шигырен сөйләде.

Айгөл Хәйри әйтүенчә, Гөлшат Зәйнашева бу шигырьне аңа атап язган.

  • Әлеге флешмоб - "Татар-информ" агентлыгы һәм Татар дәүләт филармониясенең уртак проекты.

Флешмобта Россиянең атказанган һәм Татарстанның халык артисты Резидә Галимова, Татарстанның атказанган артисты Алсу Әбелханова, җырчы Алсу Фазлыева, Татарстанның атказанган артисты Лилия Муллагалиева, телевидение алып баручысы, режиссер Зәмирә Рәҗәпова, Татарстанның атказанган артисты Филүс Каһиров, Чулпан Йосыпова, Татарстанның халык артисты Искәндәр Биктаһиров, Татарстанның атказанган артисты Газинур Фарукшин катнашты. Алар “Татар-информ” студиясендә Гөлшат Зәйнашева әсәрләрен башкарды. Татар артистлары башкаруындагы шигырьләр, җырлар социаль челтәрләрдә #гөлшатзәйнашева, #зайнашева хештеглары белән таратылачак.

Оештыручылар теләге булган һәркемне флешмобка кушылырга чакыра. Моның өчен шагыйрәнең шигырьләрен укып яисә җырларын җырлап, #гөлшатзәйнашева, #зайнашева хештеглары белән социаль челтәрләрдә урнаштырырга кирәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10