3 ноябрьнең төп вакыйгалары – фото һәм сылтамалар
ТР Президенты Гагаузиядә инвестицион форумда катнашты, Казанда мохтаҗларга кышкы киемнәр җыялар, Кулланучылар кооперациясе ярминкәләр оештыра һ.б.
Казанның мохтаҗларга ярдәм итү пунктында кышкы киемнәргә ихтыяҗ зур / ТР Диния нәзарәтенең социаль үсеш бүлеге җитәкчесе Айгөл Биктимерова сүзләренчә, мәрхәмәтле кешеләр кышкы киемнәрне "Приют" пунктына китерә ала.
Татарстан Диния нәзарәте киләсе елдан яңа 35/45 проектын башлап җибәрәчәк / Яңа проект 35-45 яшьтәге мөселманнар өчен оештырылачак.
Александр Сладковский Татарстанның симфоник оркестры өчен яңа татар әсәрләре турында хыяллануын әйтте / «Татмедиа» генераль директоры Андрей Кузьминга биргән интервьюсында баш дирижер яңа әсәрләр нинди таләпләргә җавап бирергә тиешлеген аңлатты.
Радик Юльякшин журналистларның “Үзгәреш җиле" проекты турындагы соравын җавапсыз калдырды / Җырчы бу музыкаль фестиваль турында болай да күп сөйләнде, дип белдерде.
Татарстан белән Гагаузия нефть химиясе һәм авыл хуҗалыгы өлкәсендә хезмәттәшлек итәчәк / Татарстан Президенты Рөстәм Миңнеханов Молдавиягә ике көнлек эш сәфәре кысаларында Гагаузия җитәкчелеге белән очрашты.
Фольклор байлыкны сакларга фестивальләр ярдәм итә – сәнгать белгече Эльмира Каюмова / Республика традицион мәдәниятне үстерү үзәге фәнни хезмәткәре сүзләренчә, гөслә фестиваль номинациясенә кертелгәч, аңарда уйнаучылар арткан.
Алексей Песошин ярминкәләрдә Татарстан кулланучылар кооперативларының продукциясен бәяләде / Татарстан кулланучылар берлеге үз продукциясен Казанның Яңа Савин районында оештырылган ярминкәдә тәкъдим итте.
