16 октябрьнең төп вакыйгалары - фото һәм сылтамалар
Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.
Тунис товарларына Татарстанда һәм илнең башка төбәкләрендә ихтыяҗ бар/ Бу хакта Татарстан Президенты Тунис Премьер-министры Юсеф Шахед белән очрашуда әйтте.
Татарстан Дәүләт Советы Рәисе Әлмәт районында яңартылган Мәдәният йортын ачты/ Фәрит Мөхәммәтшин клуб эшчәнлеге белән танышты, Мәдәният йортына Татарстан Президентыннан бүләк - Сертификат тапшырды.
Татар галимнәре Габдулла Тукай тәнкыйтьләгән шәхесләргә гадел бәя биргән/ Без Тукайны “соңгы инстанциядәге хакыйкать” буларак кабул итәргә күнеккән, ди Татарстан Фәннәр академиясе хезмәткәре Марсель Ибраһимов.
Быел "Татарча диктант"та катнашучылар Гаяз Исхакый әсәреннән өзек язачак/ 27 октябрь көнне 13.00 сәгатьтә “Татарча диктант” акциясе уздырыла.
Казан консерваториясе студентлары беренче татар ораториясен әзерли/ Мирсәет Яруллинның «Кеше» ораториясе күренекле композиторның 80 еллыгына багышлана.
Татарстан Президенты җырчы Ландыш Нигъмәтҗановага мактаулы исем бирде/ Җырчы яраткан тыңлаучыларына, «Барс-Медиа» компаниясенә, Хөкүмәт җитәкчелегенә рәхмәт әйтә.
