Марат Җәббаров республика элеваторларында калган ашлык күләмен әйтте
Татарстанның авыл хуҗалыгы һәм азык-төлек министры Марат Җәббаров республика элеваторларында калган ашлык күләмен әйтте. Бу хакта ул ТР Министрлар Кабинетында узган брифинг барышында сөйләде.
«Бүгенге көндә республиканың элеваторларында 1,3 миллион тонна ашлык бар. Яңа уңышка кадәр ул кими әле. Былтыр 1,1 миллион тонна запас ашлык калган иде», - диде ул.
Ул быелгы чәчү мәйданнарының узган елгы кадәр булуын искәртте. «Планлаштырганча бөтен мәйданнарның чәчелүе көтелә», - диде ул.
Министр сүзләренчә, бер килограмм бөртекленең үзкыйммәте уртача 10,79 сум була. Ул культураларны сату бәяләрен дә атады (өстәлгән бәягә салым саналмаган). 3нче класс бодайның тоннасы 10500 сум, 4нче класс бодай – 8200 сум, фураж – 6800 сум, арпа – 7000 сум, арыш – 6100 сум.
- Авыл хуҗалыгы министры Татарстанда язгы чәчүне тәмамлаган хуҗалыкларны атады
- Марат Җәббаров: Басуларга яңадан чәчү кирәк булмас дип өметләнәбез