news_header_top_970_100
16+
news_header_bot_970_100

Казанда яшәүче хатын-кыз, өендә газ шартлау нәтиҗәсендә, төрле тән җәрәхәтләре алган

Хатын-кызны Казанның 7нче шәһәр хастаханәсенә озатканнар.

(Казан, 25 май, «Татар-информ», Светлана Белова). Казанда яшәүче 29 яшьлек хатын-кыз, иртән өендә көнкүреш газы шартлау нәтиҗәсендә, төрле тән җәрәхәтләре алган һәм тәне пешкән. Бу хакта «Татар-информ» агентлыгына ТР Сәламәтлек саклау министрлыгының матбугат хезмәтеннән хәбәр иттеләр.

«Хатын-кызны Казанның 7нче шәһәр хастаханәсенә озаттылар. Аның хәлен табиблар канәгатьләнерлек дип бәяли. Зыян күрүче үз аңында. Аны белгечләр карый», - дип белдерделәр ТР Сәламәтлек саклау министрлыгында.

«Татар-информ» агентлыгы Волгоград урамындагы биш катлы йортның бер фатирында көнкүреш газы шартлавы хакында хәбәр иткән иде инде. Нәтиҗәдә, йортта ярыклар хасил булган. Йортта яшәүчеләрне якындагы мәктәпкә эвакуацияләгәннәр. Соңрак кырыйдагы ике подъездда яшәүчеләргә үз фатирларына кайтырга рөхсәт иткәннәр.

autoscroll_news_right_240_400_1
autoscroll_news_right_240_400_2
news_bot_970_100