Газ шартлаган йортта яшәүчеләрне якындагы мәктәпкә эвакуацияләделәр

Барлыгы йорттан 52 кеше, шул исәптән ун бала, эвакуацияләнгән.

(Казан, 25 май, «Татар-информ»). Газ шартлаган йортта яшәүчеләрне якындагы мәктәпкә эвакуацияләделәр. Бу хакта «Татар-информ»га ТР буенча Россия Гадәттән тыш хәлләр министрлыгының баш идарәсенең матбугат хезмәтендә хәбәр иттеләр.

Көнкүреш газы шартлаганнан соң Волгоград урамындагы бер йортта ярыклар барлыкка килде. 52 кеше, шул исәптән ун бала, якындагы мәктәпкә эвакуацияләнде.

Бераз соңрак йортның беренче һәм дүртенче подъездларында яшәүчеләргә үз фатирларына кайтырга рөхсәт иттеләр.

Элегрәк «Татар-информ» хәбәр иткәнчә, бүген биш катлы фатирда газ шартлау сәбәпле, Казанда яшәүче бер ханым зыян күргән.