9 октябрьнең төп вакыйгалары - фото һәм сылтамалар
Авыл хуҗалыгы хезмәтчәннәре һөнәри бәйрәмнәрен билгеләде, бөртеклеләрне урып-җыю тәмамланды, Рафаэль Ильясов милли-иҗтимагый премия алды.
Рөстәм Миңнеханов авылны таяну ноктасы дип атады/ "Авыл ул – республиканың нигезе. Без авыл кешеләренә таянабыз", - диде Татарстан Президенты.
Марат Әхмәтов Татарстанда бөртекле культураларны урып-җыю тәмамлануын әйтте/ Республика кырларыннан 3,7 млн тонна ашлык җыеп алынган.
Президент Euroskills призерларына: Россия җыелмасында уйнау хокукын яуларга кирәк/ Россия һәм Татарстан өчен Эшче һөнәрләре чемпионатының әһәмияте 2013 елгы Универсиада һәм 2018 елгы Футбол буенча дөнья чемпионатыннан ким түгел.
Рәшит Ваһапов исемендәге милли-иҗтимагый премия Рафаэль Ильясовка бирелде/ Җырчы, Татарстанның халык артисты Рафаэль Ильясов татар җыры сәнгатен үстерүдә зур өлеш керткәне өчен бүләкләнде.
Казан ирекле көрәш буенча Татарстан беренчелеген кабул итәчәк/ 180 спортчы ун үлчәү категориясендә көрәшәчәк.
Төнлә Татарстанда кырау төшәчәк/ Төнлә күпчелек районнарда −1 градус, кайберләрендә −3 градус салкын булачак.
