8 сентябрьнең төп вакыйгалары - фото һәм сылтамалар
Рөстәм Миңнеханов Казахстанда Тукай һәйкәленә чәчәкләр салды, Татарстанда бәрәңге уңышын җыялар, “Байгал” фильмы “Киношок” кинофестивалендә катнаша.
Татарстан белән Көнбатыш Казахстан өлкәсе арасында хезмәттәшлек турында килешү имзаланды / Сәүдә-икътисади, туристлык һәм судно төзелеше өлкәләрендә хезмәттәшлек турында килешүләр имзаланды.
“Байгал” фильмы “Киношок” кинофестивалендә катнаша / XXVII “Киношок” ачык кинофестивале Анапада 2 – 8 сентябрь көннәрендә үтә.
Төрек режиссерлары мөселман кинофестиваленә яшьләрнең аз йөрүләренә борчылуларын белдерде / XIV Казан халыкара мөселман киносы фестивалендә катнашкан Мурат Дүзгүноглы һәм Мостафа Кара студентлар белән очрашты.
Рөстәм Миңнеханов Уральск шәһәренең Кызыл мәчетендә булды / Әлеге мәчет каршындагы мәдрәсәдә татар халкының бөек шагыйре Габдулла Тукай белем алган.
Синоптиклар Татарстанда яшенле яңгыр көтелүе турында кисәтә / Республиканың кайбер районнарында төнлә һәм иртән томан көтелә.
Татарстан Президенты һәм Милли шура рәисе Казахстанда Тукай һәйкәленә чәчәкләр салды / Татарстаннан килгән кунакларны Тукай һәйкәле янында шагыйрьнең шигырьләрен татар һәм казах телләрендә сөйләп каршы алдылар.
Татарстанның тугыз районы бәрәңге уңышын җыеп алырга кереште / Иң зур уңыш Биектау, Арча, Балтач, Алабуга һәм Минзәлә районнарында күзәтелә.
Нәсүр Юрушбаев "Нигез йорт" фильмының прокат киләчәгенә ышана / Кичә Казан кинофестивале кысаларында фильмның премьерасы үтте.
"Яу" татар комедиясе "Мунча ташы" тамашачысына адресланган / "Яу" фильмы Казан кинофестиваленең "Милли конкурс" номинациясендә катнаша.
