17 июньнең төп вакыйгалары - фото һәм сылтамалар
Рөстәм Миңнеханов Алтай Сабан туенда катнашты, Көрәш буенча дөнья чемпионаты җиңүчеләре билгеле, Татарстанда 26 градуска кадәр җылытачак.
Көрәш буенча дөнья чемпионаты җиңүчеләре билгеле / Чемпионатның барлык батырлары да Россия җыелма командасыннан.
Казанда Чәк-чәк музеена мастер-классларга килүче чит ил кешеләре саны арткан / Ихтыяҗ булганда, мастер-классларны татар телендә дә алып баралар.
Татарстан Президенты Алтай Сабан туенда катнашты / Бүген Татарстан Республикасы Президенты Рөстәм Миңнеханов Алтай краена эш сәфәрендә.
Казанда Австралия-Франция матчы вакытында алты кешене хастаханәгә озатканнар / Барлыгы 69 мөрәҗәгать теркәлгән, диде Татарстанның сәламәтлек саклау министры урынбасары Илдар Фатыйхов.
Бөтен дөньядан килгән журналистлар Миңгәр Сабан туенда кунак булды / Чит ил гаммәви мәгълүмат чаралары вәкилләре төрле бәйгеләрдә катнашкан, чәк-чәктән авыз иткән һәм көрәш буенча Дөнья чемпионаты финалын караган.
Рөстәм Миңнеханов Алтайда «Бирюзовая Катунь» туристлык комплексын карады / «Бирюзовая Катунь» махсус икътисади зонасы – гаять зур үсеш потенциалы булган уникаль объект, диде Рөстәм Миңнеханов.
Ерак Көнчыгыш мөселманнары Ураза бәйрәме уздырган / Гает намазы Федераль округның барлык зур шәһәрләрендәге мәчетләрдә укылган.
Татарстанда 26 градуска кадәр җылытачак / Киләсе атнада республикада урыны белән яшенле яңгыр булыр, боз явар, дип фаразлый синоптиклар.
Татарстан Президенты Таулы Алтай белән Казан арасында авиарейслар ачарга тәкъдим итте / Рөстәм Миңнеханов Алтай крае һәм Алтай Республикасы уникаль туристик потенциалга ия дип исәпли.
