Хәвеф-хәтәр 24 сентябрь 2018 07:43

"Земляника" наркотик препаратын тарату турындагы мәгълүмат дөреслеккә туры килми

Татарстан Республикасы Эчке эшләр министрлыгы алынган мәгълүмат буенча мониторинг уздырды.

Скопировать ссылку

(Казан, 24 сентябрь, "Татар-информ"). Соңгы араларда социаль челтәрләрдә һәм мессенджерларда “Киров территориаль мәгариф идарәсе” хезмәткәре Дубининадан алынган мәгълүмат дигән булып, “балаларга мәктәп ишек алларында "земляника" дип аталган наркотик препарат тараталар” дигән хәбәр йөри. Татарстан Республикасы Эчке эшләр министрлыгы алынган мәгълүмат буенча мониторинг уздырды. Бу хакта Татарстан Мәгариф һәм фән министрлыгы матбугат үзәге хәбәр итә.

ТР Эчке эшләр министрлыгы уздырган мониторинг нәтиҗәләре буенча, "земляника" дип аталган наркотик препаратның республика территориясендә булмавын ачыклады.

Бүгенге көнгә кадәр андый матдәләрне тарату фактлары турында республиканың эчке эшләр органнарына һәм ТР Мәгариф һәм фән министрлыгына гражданнардан мөрәҗәгатьләр теркәлмәгән.

Социаль челтәрдә хәлнең кайсы төбәктә булуы күрсәтелмәгән. “Киров территориаль мәгариф идарәсе” һәм югарыда аталган фамилиядәге хезмәткәр Татарстан Республикасы мәгариф органнары структурасында юк. ТР Эчке эшләр министрлыгы гражданнардан бу мәгълүматны чынга алмауларын һәм социаль челтәрләрдә таратмауларын сорый.

Хокук бозу очраклары турында 291-20-22 номеры буенча ышаныч телефонына яисә 02 номерына шалтырата аласыз, диелә Татарстан Мәгариф һәм фән министрлыгы хәбәрендә.

#земляника #наркотик #киров территориаль мәгариф идарәсе

Сәхифәләр

"Земляника" наркотик препаратын тарату турындагы мәгълүмат дөреслеккә туры килми