Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәйдә газ шартлаган йорттан кешеләрне күчерделәр
Гадәттән тыш хәлдә алган имгәнүләрдән соң бер өлкән кеше хастаханәдә вафат булган.
(Казан, 22 июнь, "Татар-информ"). Зәйдә газ шартлаган йортның кырый подъездыннан 56 кешене күчерделәр. Бу хакта Татарстан Президенты Аппараты матбугат үзәге хәбәр итә.
Кайбер кешеләр туганнарына вакытлыча күченеп торды, кайберләрен "Аркадия" кунакханәсенә урнаштырдылар. Боз сараенда да өстәмә урыннар бирелергә мөмкин.
Җимерекләр астында кемнеңдер калган булуы турында әлегә бернинди мәгълүмат юк.
Гадәттән тыш хәл урынына автокран китерәчәкләр. Җимерекләрне күтәреп караганнан соң, подъезд корылмаларына җитди зыян килмәгәне ачыкланса, аны тора-бара төзәтергә мөмкин булачак.
“Татар-информ” бүген көндез Зәйдә Никифоров урамындагы күпфатирлы 71нче йортта газ шартлау хакында хәбәр иткән иде.
Фаҗигадә биш катлы йортның соңгы катындагы 3 бүлмәле фатир зыян күргән. Түбә һәм түшәм өлешчә җимерелгән.
"Татар-информ"га ТР Сәламәтлек саклау министрлыгы матбугат үзәгеннән хәбәр итүләренчә, гадәттән тыш хәлдә 10 кеше зыян күргән. Алар арасында 13 яшьлек кыз бала да бар. 5 кеше уртача хәлдә Зәйдә хастаханәдә ята.
Авыр хәлдәге өлкән яшьтәге ир-ат, алган имгәнүләрдән хастаханәдә вафат булган.
Бер баланы һәм өлкән кешене Санавиация вертолеты белән Казан республика үзәк хастаханәсенә китергәннәр.
Татарстан Прокуратурасы Гадәттән тыш хәл буенча тикшерү эшен башлады.
Кызыклы яңалыкларны күзәтеп бару өчен Телеграм-каналга язылыгыз