Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәйдә газ шартлаган йорттан кешеләрне күчерү карары экспертизадан соң кабул ителәчәк
Хәлнең торышын республика җитәкчелеге һәм Зәй районы хакимияте контрольдә тота.
(Казан, 22 июнь, “Татар-информ”). Зәйдә газ шартлаган йорттан кешеләрне күчерү турындагы карар экспертизадан соң кабул ителәчәк. Бу хакта “Татар-информ”га Татарстан Президенты матбугат хезмәтендә хәбәр иттеләр.
Татарстан җитәкчелегенә Зәйдә Никифоров урамындагы 71нче йортта килеп чыккан гадәттән тыш хәл турында җиткерелгән, һәм район җитәкчелеге белән элемтәдә торалар. Татарстан Премьер-министрының беренче урынбасары Рөстәм Нигъмәтуллин вазгыятьне контрольдә тота.
Хәзерге вакытта күрсәтмәләр бирелгән. Китерелгән зыян һәм ярдәм күләме ачыкланачак.
Зәйдә шартлау булган йорттан кешеләрне күчерү турындагы карар экспертизадан соң кабул ителәчәк.
- “Татар-информ” бүген көндез Зәйдә Никифоров урамындагы күпфатирлы 71нче йортта газ шартлау хакында хәбәр иткән иде. Фаҗигадә биш катлы йортның соңгы катындагы 3 бүлмәле фатир зыян күргән. Түбә һәм түшәм өлешчә җимерелгән. Гадәттән тыш хәлләр министрлыгы хезмәткәрләре зыян күргән 5 кешене коткарган, алар арасында 13 яшьлек бала да бар. Зыян күргән 4 кеше хастаханәгә салынган. Ике кеше бик авыр хәлдә.
Кызыклы яңалыкларны күзәтеп бару өчен Телеграм-каналга язылыгыз