Җырчы Эльмира Сөләйманованың кайда җирләнәчәге билгеле
Скопировать ссылку
Татарстанның атказанган артисты Эльмира Сөләйманованы иртәгә, 17 декабрь көнне, Тукай районы Кече Шилнә авылы зиратына җирләячәкләр. Бу хакта «Татар-информ»га җырчының бертуган абыйсы Марат Сөләйманов хәбәр итте.
«Апаны бүген үк җирләрбез, дип уйлаган идек. Ләкин, бәхилләшергә вакытыбыз булсын өчен, төнгә яныбызда калдырырга уйладык», – диде ул.
Мәрхүмә белән хушлашу Кече Шилнә мәчете каршында 10.00 сәгатьтә узачак.
Эльмира Сөләйманова бүген иртән вафат булды. Абыйсы Марат сүзләре буенча, Эльмирага инфаркт булган.