Хәвеф-хәтәр 27 март 2018 19:22

Яшел Үзән районында эчендә наркотик яшерелгән бисквитлы рулетлар табылган

Мәскәү – Уфа юлында полицейскийлар автомобильдә кондитер эшләнмәләре алып баручы 33 яшьлек пассажирны тоткарлаган.

Скопировать ссылку

(Казан, 27 март, “Татар-информ”). Яшел Үзән районында полицейскийлар эчендә наркотик яшерелгән бисквитлы рулетлар тапкан, дип хәбәр итә “Новости Зеленодольска” басмасы.

Хокук саклау органнары хезмәткәрләре Мәскәү – Уфа юлында туктаткан машинадагы 33 яшьлек пассажир пакетындагы кондитер эшләнмәләрен тикшергән. Анда рулетлар эчендә билгесез матдәле кечкенә пакетлар табылган. Экспертиза пакетларда синтетик, шулай ук үсемлек наркотиклар булуын ачыклаган.

Ачыкланганча, тоткарланучы иректән мәхрүм ителүчеләр утырган урыннан берничә ай элек кенә азат ителгән булган. Ир-ат Мәскәүдән Челябинскига юнәлгән булган.

Әлеге факт буенча җинаять эше кузгатылган.

#наркотик #җинаять

Сәхифәләр

Яшел Үзән районында эчендә наркотик яшерелгән бисквитлы рулетлар табылган