Яңа Чишмә районы белән экология министрының урынбасары Егор Тарнавский җитәкчелек итәчәк
Яңа Чишмә районы башкарма комитеты җитәкчесе вазифаларын башкаручы итеп 36 яшьлек Егор Тарнавский билгеләнде. Бу хакта муниципалитет Советының чираттан тыш утырышында билгеле булды.
Элек Тарнавский Татарстанның экология һәм табигать ресурслары министры урынбасары вазифасын башкарган. Ул үз вазифасына 25 апрельдән керешәчәк.
Элегрәк хәбәр ителгәнчә, Яңа Чишмә муниципаль районы Советы чираттан тыш утырышта Вячеслав Козловның отставкасын кабул итте. Ул 2010 елдан бирле район җитәкчесе булды.
Тарнавский район башлыгы вазифасын вакытлыча башкаручы статусында җитәкчелек итәчәк. Рәсми рәвештә ул Совет депутаты итеп сайланган һәм аннан соң тиешле постка тәкъдим ителгән очракта башлык вазифасын били алачак.
Искәртик, муниципаль сайлаулар Татарстанда сентябрь аенда уза. Алар 912 муниципаль берәмлектә, шул исәптән ике шәһәр округында (Казан һәм Чаллы), 38 шәһәр һәм 872 авыл җирлегендә була.