Вячеслав Козлов Яңа Чишмә районы башлыгы вазифасыннан китте
Яңа Чишмә муниципаль районы Советы чираттан тыш утырышта Вячеслав Козловның отставкасын кабул итте, ул 2010 елдан бирле районны җитәкләде. Утырышта Татарстан Дәүләт Советы Рәисе урынбасары Марат Әхмәтов катнашты.
Депутатлар бертавыштан район башлыгы вәкаләтләрен вакытыннан алда туктату өчен тавыш бирде. Шул ук вакытта Совет Вячеслав Козловка территория үсешенә керткән өлеше өчен «Яңа Чишмә районының Мактаулы гражданины» исемен бирү турында карар кабул итте. Аның 15 ел җитәкчелеге вакытында районда күп кенә зур инфраструктура проектлары гамәлгә ашырылган.
Моннан тыш, Марат Әхмәтов Козловка республиканың иң югары бүләген – «Татарстан Республикасы алдындагы казанышлары өчен» орденын тапшырды.
«Республика Рәисе Рөстәм Нургали улы Миңнеханов исеменнән сиңа зур рәхмәт сүзләре җиткерәм. Син һәрвакыт безнең республика Рәисе исемлегендә булдың, һәрвакыт тәҗрибәле һәм бик җаваплы җитәкче. Ул сине хөрмәт итә, ул сиңа чын күңелдән рәхмәт әйтә», - диде Марат Әхмәтов, Козловка мөрәҗәгать итеп.