Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Хургадада һәлак булган россиялеләрнең мәетләрен илгә кайтару башланды
Мисырның Хургада курортында батискаф һәлакәтендә үлгән россиялеләрнең мәетләрен илгә кайтару процессы башланды. Бу хакта РИА Новости агентлыгы Россиянең Хургададагы генераль консуллыгына сылтама белән хәбәр итә.
Генераль консуллыкта ачыклык кертүләренчә, репатриация белән бәйле финанс чыгымнарын иминият компанияләре каплый.
Искәртеп үтәбез, пәнҗешәмбе көнне Хургада яр буенда Россиянең 45 туристы утырган батискаф һәлакәткә юлыкты.
Дипломатик чыганаклар алты россияле, шул исәптән ике баланың һәлак булуын раслады. Зыян күргән ике кеше табиблар күзәтүе астында кала, калган туристлар хастаханәдән чыгарылган. Беренчел мәгълүматларга караганда, фаҗигадә Татарстан табибы Равил Вәлиуллин һәлак булган. Шушы көннәрдә ТР сәламәтлек саклау министры Марсель Миңнуллин аның хатыны Кристина Вәлиуллинаның хәле тотрыклы булуы хакында хәбәр итте. Аларның ике баласы да хастаханәдә ята, гомерләренә куркыныч янамый.
Генераль консул Виктор Воропаев сүзләренчә, кешеләрне утырткан вакытта батискафка су тула башлаган, нәтиҗәдә ул баткан.
Мисыр хакимияте әлеге хәлне тикшерә. Судно капитаны җирле прокуратура карары белән азат ителгән, әмма аңа яшәгән урыныннан беркая да китәргә ярамый.
Кызыклы яңалыкларны күзәтеп бару өчен Телеграм-каналга язылыгыз