Владимир Путин: Россия өчен көнбатышта да, көнчыгышта да дошман халыклар юк

Скопировать ссылку

«Россия өчен көнбатышта да, көнчыгышта да дустанә булмаган, дошман халыклар юк», - дип белдерде Россия Президенты Владимир Путин Мәскәүдә хәрби парадта ясаган чыгышында.

«Планетада яшәүчеләрнең күпчелеге кебек үк, без киләчәкне тыныч, ирекле, тотрыклы итеп күрергә телибез», - дип мөрәҗәгать итте дәүләт башлыгы.

Владимир Путин махсус хәрби операциядә катнашучыларга аерым тукталды.

«Махсус хәрби операциядә катнашучылар белән горурланабыз. Бүген илнең куркынычсызлыгы, дәүләтчелек һәм халкыбызның киләчәге сездән тора. Сез намус белән бурычыгызны үтисез. Сезнең артта гаиләләрегез, балаларыгыз, дусларыгыз. Сез аларның чиксез мәхәббәтен тоясыздыр. Бар кеше дә ярдәм итәргә омтыла. Безнең бердәмлектән дә көчлерәк берни юк. Җиңү өчен!» - дип тәмамлады Россия Президенты чыгышын.

Сәхифәләр

Владимир Путин: Россия өчен көнбатышта да, көнчыгышта да дошман халыклар юк