Татар дөньясы 24 июль 2019 16:25

Ульяновскида мөнәҗәт әйтүчеләр җыелган

Монда килүчеләр үзләренең әби-әниләреннән ишетеп хәтерләрендә саклаган мөнәҗәтләрне әйткән.

Скопировать ссылку

(Казан, 24 июль, “Татар-информ”). Ульяновск шәһәренең "Киндяковка" мәдәният йорты каршындагы "Нур" татар халык театры "Мөнәҗәт кичәсе" уздырган. Бу хакта Бөтендөнья татар конгрессы хәбәр итә.

Аның режиссеры Җәмилә Мифтахова бер өстәл артына мөнәҗәт әйтүче дистәләгән ханымны жыйган. Монда килүчеләр үзләренең әбиләреннән, әниләреннән ишетеп хәтерләрендә саклаган мөнәҗәтләрне әйткән.

"Лаишевка эшчеләр бистәсеннән Гөлфирә ханым Алимова бәет-мөнәҗәтләрне күп еллардан бирле төрле төбәкләрдән җыеп бара. Бүген анда 2-3 китаплык язмалар саклана. Кичәне оештыручы Җәмилә ханым үзе дә мөнәҗәтләр әйтте, татар халык җырларын башкарды", - диелә хәбәрдә.

#ульяновск #мөнәҗәтләр

Сәхифәләр

Ульяновскида мөнәҗәт әйтүчеләр җыелган