Хәвеф-хәтәр 28 февраль 2017 07:21

Үткән атна эчендә Чаллыда 59 җинаять теркәлгән

Юл йөрү кагыйдәләрен бозган өчен 1804 административ беркетмә төзелгән.

Скопировать ссылку

(Чаллы, 28 февраль, «Татар-информ»). Үткән 7 көн эчендә Чаллыда 59 җинаять теркәлгән, шуларның 39 ачылган. Бу кылынган барлык җинаятьләрнең 66,1 процентын тәшкил итә. Бу хакта Чаллы полиция гарнизоны матбугат хезмәте хәбәр итә.

Шулай итеп, машина урлау, караклык һәм сәламәтлеккә авыр зыян китерү буенча берешәр, шулай ук кеше үтерү буенча 2 һәм 15 талау очрагы ачылган. Законсыз наркотиклар әйләнеше өлкәсендә 4 җинаять теркәлгән.

Соңгы 7 көн эчендә Юл йөрү кагыйдәләрен бозган өчен 1804 административ беркетмә төзелгән. 1735 йөртүче һәм 69 җәяүле җәзага тартылган. 25 аек булмаган йөртүче ачыкланган, шуларның 5се кулга алынган. Барлыгы бер атна эчендә 7 юл һәлакәте килеп чыккан, шуларда 9 кеше төрле дәрәҗәдә җәрәхәтләнү алган.

Административ җаваплылыкка 699 кеше тартылган. Шуларның 47 вак хулиганнар һәм 204 җәмәгать урыннарында исерткеч эчемлекләр эчүчеләр яисә аек булмаган Чаллы кешеләре. Шулай ук наркотик исереклегендәге 36 кеше үз җәзасын алган.

#Чаллы #наркотик #хокук бозу

Сәхифәләр

Үткән атна эчендә Чаллыда 59 җинаять теркәлгән