news_header_top_970_100
16+
news_header_bot_970_100

Тимур Нагуманов Әлмәт районы администрациясендә битлек режимы кертте

Әлмәт районы башлыгы Тимур Нагуманов битлек режимын кертү турында боерык имзалады. Аның нигезендә, барлык җирле үзидарә органнары һәм ведомство карамагындагы учреждениеләрнең хезмәткәрләре битлеклектән йөрергә тиеш. Аерым алганда, мэрия хезмәткәрләре битлекләрне киңәшмәләр уздырганда һәм гражданнарны кабул итү вакытында файдаланырга тиеш.

Битлек режимы эпидемиологик хәл начарлану сәбәпле кире кертелде, диелә документта. Ул имзаланган көннән соң үз көченә керде.

Исегезгә төшерәбез, узган ял көннәрендә Татарстан Президенты Рөстәм Миңнеханов эпидемиологик хәл начараю фонында хезмәт коллективларында битлек режимын кертергә тәкъдим иткән иде.

autoscroll_news_right_240_400_1
autoscroll_news_right_240_400_2
news_bot_970_100