Татарстаннан 19 балалы гаилә Россия Президентын сайлауга килгән
Скопировать ссылку
Татарстанның Нурлат районында Россия Президентын сайлауда Миңнуллин-Латыйповлар күп балалы гаиләсе тавыш биргән. Алар 1578 нче сайлау участогына килгән.
Районның матбугат хезмәтендә гаилә 19 бала тәрбияләве турында әйттеләр. Әниләре Рәйсә Рәшитовна – Яшел Үзән районы тәрбиягә бала алучы гаиләләр клубы рәисе.
Бүген – сайлауның соңгы көне. 20.00 сәгатькә кадәр 2767 сайлау участогы ачык. 3 млн татарстанлы сайлау хокукына ия.
- Россиядә тавыш бирүнең икенче көнендә сайлауда катнашучылар 58,01 процент тәшкил итте. Бүген 9.28 сәгатьтә әлеге күрсәткеч 60 процентка җитте.
Теркәлү урыны буенча сезнең участок кая икәнен «Дәүләт хезмәтләре», шулай ук РФ Үзк сайлау комиссиясе порталында белергә мөмкин.