Россия Президентын сайлауда катнашучылар саны 60 процентка җитте
Скопировать ссылку
Ил буенча Россия Президентын сайлауда катнашучылар саны 60 процентка җитте. Үзәк сайлау комиссиясе туры эфирда трансляцияли торган тавыш бирү барышы турында мәгълүматлар шул хакта сөйли.
Искәртеп узабыз, Россиядә тавыш бирүнең икенче көнендә сайлауда катнашучылар 58,01 процент тәшкил итте. Бүген 9.28 сәгатьтә әлеге күрсәткеч 60 процентка җитте.
- Россия Президентын сайлау өч көн – 15-17 март – дәвам итә. Дүрт кандидатка сайлауда катнашырга рөхсәт бирелде, алар - Владислав Даванков («Яңа кешеләр» партиясеннән), Леонид Слуцкий (ЛДПР партиясеннән), Николай Харитонов (КПРФ партиясеннән) һәм гамәлдәге дәүләт башлыгы Владимир Путин (үз-үзен тәкъдим итүче буларак).