Татарстанга Пензадан инфекцияле кош ите кертелгән
Республикага кертелгән 153 тонна иттә кош гриппы вирусы табылган.
Скопировать ссылку
(Казан, 17 июль, “Татар-информ”, Чулпан Шакирова). Татарстанга Пенза өлкәсеннән кош гриппы вирусы йоктырган 153 тонна кош ите кертелгән. Бу хакта бүген “Татар-информ”да узган матбугат чарасында билгеле булды.
“Инфекцияле ит республикага "Пензамолинвест" компаниясе аша кертелгән. Бәхеткә, инфекцияле партияне тиз арада ачыкладык. Бу эштә безгә “Меркурий” системасы ярдәм итте”, - диде Казан ветеринария берләшмәсе мал табибы Булат Нуриәхмәтов.
- “Меркурий” системасы авыл хуҗалыгы продукциясен электрон ветеринария-озату документы белән сату хокукы бирә.
