Җәмгыять 12 декабрь 2017 18:18

Татарстанда үтеп баручы елда булган иң зур вакыйгалар аталды

Кулланучылар сораулары иң күп булган рейтингны "Спурт" банкы һәм аның банкротлыгы яулаган.

Скопировать ссылку

(Казан, 12 декабрь, "Татар-информ"). “Яндекс” эзләү сервисы үтеп баручы елда Татарстан халкын барыннан да элек нәрсә борчыганы турында җиткергән, дип хәбәр итә компаниянең матбугат хезмәте.

Кулланучылар сораулары иң күп булган рейтингны “Спурт” банкы һәм аның банкротлыгы яулаган.

Икенче урында – Татарстан мәктәпләрендә татар телен мәҗбүри укытуны туктату.

Өченче урында Татарстанда июль башында булган көчле җил-давыл тора.

Шулай ук Татарстан халкын Казанда узган Red Bull Air Race авиаузышы да кызыксындырган. Авиаузышлар буенча дөнья чемпионатының Россия этабы тарихта беренче тапкыр Татарстан башкаласында 22-23 июльдә узды.

Бишлекне Зәй районында 11 октябрьдә булган юл-транспорт һәлакәте йомгаклый.

Вакыйгалар унлыгына “Анкор банк” һәм “Татфондбанк” банкротлыгы, Алексей Песошинны Татарстан Премьер-министры итеп билгеләү һәм Илдар Халиковның Татарстан Премьер-министры вазифасыннан китүе дә кергән.

Татарстанда узып баручы елда булган иң зур вакыйгалар унлыгын Барлык диннәр гыйбадәтханәсендәге янгын йомгаклый.

#Ел вакыйгасы #рейтинг

Сәхифәләр

Татарстанда үтеп баручы елда булган иң зур вакыйгалар аталды