Җәмгыять 25 ноябрь 2017 11:22

Татарстанда планлаштырылган биналарның барысы төзелгән - торак-коммуналь хуҗалыгы министры

Патолого-анатомик бүлекләр һәм модуль-табиб амбулаторияләрен торгызу эшләре дә төгәлләнгән.

Скопировать ссылку

(Казан, 25 ноябрь, «Татар-информ»). Татарстанда бүгенгә быелда төзеп бетерү планлаштырылган 31 авыл клубы, 11 җирлек советы бинасы, 42 фельдшерлык-акушерлык пунктының эше төгәлләнгән. Бу хакта Татарстан Хөкүмәте йортында республикакүләм киңәшмәдә Татарстан Республикасы төзелеш, архитектура һәм Торак-коммуналь хуҗалыгы министры Ирек Фәйзуллин белдерде.

Патолого-анатомик бүлекләр һәм модуль-табиб амбулаторияләрен торгызу эшләре дә төгәлләнгән, диде министр.

Төзүчеләр шулай ук медицина ярдәме станцияләре, хастаханәләр һәм амбулатория-поликлиника учреждениеләрендә капиталь ремонт эшләрен төгәлләгән. ТР Министрлар Кабинетының Баш ветеринария идарәсе һәм ТР Авыл хуҗалыгы һәм азык-төлек министрлыгы Идарәсе карамагындагы учреждениеләрдә дә эшләр беткән.

Татарстан Президенты матбугат хезмәте хәбәр иткәнчә, киңәшмәдә Татарстан Президенты Рөстәм Миңнеханов массакүләм мәгълүмат чараларының республика программаларын яктырту эшләрен көчәйтү бурычын куйды.

#Ирек Фәйзуллин #торак-коммуналь хуҗалыгы министры

Сәхифәләр

Татарстанда планлаштырылган биналарның барысы төзелгән - торак-коммуналь хуҗалыгы министры