Татарстанда пилотсыз очу аппаратлары һөҗүме аркасында алты кеше зыян күргән
Скопировать ссылку
Алабуга һәм Түбән Кама предприятиеләренә пилотсыз очу аппаратлары һөҗүме аркасында алты кеше зыян күргән, дип хәбәр итә Татарстан Сәламәтлек саклау министрлыгы. Барлык зыян күрүчеләргә кирәкле ярдәм күрсәтелә.
Исегезгә төшерәбез, бүген иртән республиканың Алабуга һәм Түбән Кама предприятиеләренә пилотсыз очу аппаратлары һөҗүме ясалды. Җитди җимерүләр юк, предприятиеләрнең технологик процессы бозылмаган, дип билгеләп үтә хакимиятләр.
Махсус икътисади зонаның Генераль директоры Тимур Шаһивәлиев «Алабуга» МИЗдагы тулай торакка һөҗүм иткән пилотсыз очу аппаратларында НАТО илләре җиһазлары булуын белдерде. Барлык хезмәтләр дә югары әзерлектә.