Татарстанда «Пилотсыз очкыч һөҗүм итү куркынычы» режимы гамәлдән чыкты
Скопировать ссылку
Татарстан территориясендә «Пилотсыз очкыч һөҗүм итү куркынычы» режимы гамәлдән чыкты. Бу хакта Россия Гадәттән тыш хәлләр министрлыгы мобиль кушымтада хәбәр итте.
«Игътибар! Татарстан Республикасы территориясендә «Пилотсыз очкыч һөҗүм итү куркынычы» режимы гамәлдән чыкты», - диелә хәбәрдә.
Режим бүген 4:19 да эшли башлады. Россия территориясе өстендә 18 июньдә 21:20 дән 19 июньдә 06:40 га кадәр ПВО чаралары белән 81 Украина пилотсыз очкычы тотылган һәм юк ителгән.
