Сәясәт 10 декабрь 2023 19:46

Татарстанда муниципаль депутатларны өстәмә сайлауга килүчеләр якынча 60 процент булды

Скопировать ссылку

Бүген 18.00 сәгатькә Татарстанда шәһәр һәм авыл советларына депутатларны өстәмә сайлауга килүчеләр саны 59,9 процент булды. Бу турыда Татарстан Үзәк сайлау комиссиясе телеграм-каналында хәбәр ителә.

«18 сәгатькә мәгълүматлар буенча, Татарстанда муниципаль депутатлар сайлауга килүче сайлаучылар 59,94 булды», – диелә хәбәрдә.

Искәртеп узабыз, 29 мандатка 116 кандидат – сәяси партияләрнең төбәк бүлекләре вәкилләре һәм үз-үзен тәкъдим итүчеләр – дәгьва кыла. Тавыш бирү вакытында Татарстан Үзәк сайлау комиссиясенең кайнар элемтә телефоны эшли: 8 (843) 292-84-33. Аның буенча белешмә мәгълүмат алырга, шулай ук тавыш бирү участокларында ихтимал закон бозулар хакында хәбәр итәргә мөмкин.

Бүген 12.00 сәгатьтә Татарстанда шәһәр һәм авыл советлары депутатларын өстәмә сайлауга килүчеләр саны 48,74 процент тәшкил итте, дип язган идек.

Сәхифәләр

Татарстанда муниципаль депутатларны өстәмә сайлауга килүчеләр якынча 60 процент булды