Татарстанда коронавирус инфекциясеннән тагын дүрт кеше үлгән
Вафат булучыларның өчесе хатын-кыз, берсе – ир-ат.
Скопировать ссылку
(Казан, 7 март, «Татар-информ»). Татарстанда коронавирус инфекциясеннән тагын дүрт үлем очрагы теркәлгән.
Татарстан Сәламәтлек саклау министрлыгы хәбәр итүенчә, 1931, 1942, 1955 елда туган өч хатын-кыз һәм 1946 елда туган ир-ат вафат булган.
«Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», диелә бу хәбәрдә.
Бүгенге көнгә республикада коронавирустан барлыгы 364 үлем очрагы теркәлгән.
Татарстанда соңгы тәүлектә 50 кеше коронавирус йоктырган.