Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда көчле яңгыр һәм җил сәбәпле шторм кисәтүе игълан ителде
Чәршәмбе көнне республиканың көнчыгышында көчле эсселек көтелә, көндез +32дән +37 градуска кадәр булыр дип фаразлана.
(Казан, 3 август, «Татар-информ»). Иртәгә, 4 августта, Татарстан территориясендә һава шартларының начарлануы көтелә. ТР Гидрометеорология һәм әйләнә-тирә мохитне күзәтү идарәсе шторм кисәтүе игълан итте.
3 августта 22 сәгатьтән 4 августның 22 сәгатенә кадәр төнлә һәм көндез, республикада урыны белән яшенле яңгыр көтелә, шулай ук җилнең тизлеге секундына 17-22 метрга кадәр, көчәйгәндә 25 метрга кадәр җитәргә мөмкин. Казанда 4 августта һава торышының әлеге күренешләре 3-10 сәгатьләрдә булырга мөмкин, дип искәртә синоптиклар.
Чәршәмбе көнне Татарстанның көнчыгышында көчле эсселек көтелә, көндез +32дән +37 градуска кадәр булыр дип фаразлана. Республиканың көнбатыш өлешендә бераз түбәнрәк - 25-28 градус, көньякта 29-32 градуска кадәр булачак.
Метеорологлар мәгълүматларына караганда, һава шартларының начараюы «төньяк-көнбатыш циклонның актив атмосфера фронты» узуына бәйле булачак.
Элегрәк «Татар-информ» Казанда аномаль эсселек кимиячәк, һава торышы климатик нормага якынаячак, дип хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз