Татарстанда һава температурасының -28 градуска кадәр төшүе һәм томан көтелә
Скопировать ссылку
Иртәгә, 12 февральдә, Татарстанда янә температура фонының сизелерлек түбәнәюе көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Төнге һәм иртәнге сәгатьләрдә республика территориясендә термометрның терекөмеш баганасы урыны белән -25..-28 градуска, шул исәптән Казанда -25 градуска кадәр түбәнәячәк. Моннан тыш, төбәктә кайбер урыннарда томан төшәчәк, дип искәртә метеорологлар.
Һава шартлары начараю сәбәпле, Гадәттән тыш хәлләр министрлыгы салкыннар вакытында иминлек кагыйдәләре турында искә төшерә.
Элегрәк ТР Гидрометеорология һәм әйләнә-тирә мохитне күзәтү идарәсе бүген көндез Татарстанда -12..-17 градус салкын булачагы хакында хәбәр иткән иде.