Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Роспотребнадзор: КАМАЗ профкомының вафат булган җитәкчесендә Covid-19 расланмаган
Роспотребнадзорның Чаллы бүлегенә Александр Васильевта коронавирус булуы турында мәгълүмат килмәгән.
(Яр Чаллы, 8 октябрь, «Татар-информ», Эльвира Мөхәммәтдинова). Атна башында вафат булган «КАМАЗ» профсоюз оешмасы рәисе Александр Васильевта Covid-19 диагнозы расланмаган. Шулай ук автогигант профсоюзының үзәк аппараты җитәкче вафатыннан соң үзизоляция режимына китәчәкме-юкмы икәне дә билгеле булды. Бу хакта Кулланучы хокукларын яклау һәм кеше иминлеге өлкәсендә күзәтчелек федераль хезмәтенең Чаллыдагы территориаль бүлеге башлыгы урынбасары Лемуза Нәфигуллина әйтте.
«Без яңа коронавирус инфекциясен ачыклау маршруты буенча эш итәбез. Чаллы территориаль бүлегенә (Роспотребнадзор) КАМАЗ профкомы рәисе Александр Васильевта Covid-19 булуы турында оператив хәбәр килмәде. Шул сәбәпле, профкомның үзәк аппараты изоляциягә җибәрелмәде, чөнки Covid-19 диагнозы раслану очрагы юк», — дип аңлатты Нәфигуллина.
Алдарак «Татар-информ» Александр Васильевның 58 яшендә вафат булуын язган иде. Кайбер мәгълүматлар буенча, соңгы көннәрдә Васильев БСМПда яткан һәм үпкәләрне ясалма җилләтү аппаратына тоташтырылган булган.
Кызыклы яңалыкларны күзәтеп бару өчен Телеграм-каналга язылыгыз