Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Роспотребнадзор: Күмәк чараларга өстәмә ковид-чикләүләр кертелмәде
Бүген Анна Попова ковид вәзгыяте начарлану сәбәпле, илдә күмәк чаралар кичектерелүе турында хәбәр сөйләгән иде.
(Казан, 4 октябрь, «Татар-информ»). Россиядә күмәк чараларга өстәмә ковид-чикләүләр кертелмәде, дип хәбәр итә Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор).
«Хәзер күмәк чаралар үткәрү мөмкинлеге турындагы карарны төбәк башлыклары төбәкнең баш санитар табиблары белән бергә хәл итә. Ул эпидемиологик вәзгыятьне характерлаучы билгеле күрсәткечләрдән чыгып хәл ителә», диелгән ведомство сайтында.
Бу тәртип Россиянең баш санитар табибы 2021 елның 7 июлендә имзаланган карар белән билгеләнә, дип искәртелә.
Моңа кадәр Роспотребнадзор җитәкчесе Анна Попова Хөкүмәт каршындагы Коронавируска каршы көрәш координацион советы президиумы утырышында, ковид вәзгыяте начарлану сәбәпле, илдә күмәк чаралар уздырылмавы турында хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз