Җәмгыять 4 октябрь 2021 16:12

Covid-19 вазгыяте начарлану сәбәпле, Россиядә массакүләм чаралар тыела

Анна Попова илдәге эпидемия вазгыятен бик киеренке дип атады.

Скопировать ссылку

(Казан, 4 октябрь, «Татар-информ»). Россиядә коронавирус вазгыяте начарлануга бәйле рәвештә, күмәк чаралар гамәлдән чыгарылды. Бу хакта Россия Кулланучы хокукларын яклау һәм кеше иминлеге өлкәсендә күзәтчелек федераль хезмәт башлыгы Анна Попова сүзләренә сылтама белән РИА Новости хәбәр итә.

«Массакүләм чаралар бөтен илдә туктатылды. Баш дәүләт санитария табибы карары нигезендә эпидемия процесс тенденциясенә карап кына уздырыла», — дип сөйләде ведомство җитәкчесе Хөкүмәт каршындагы Covid-19га каршы көрәш буенча координация советы президиумы утырышында.

Попова илдәге эпидемия вәзгыятен бик киеренке дип атады. Аның сүзләренчә, ковидка каршы кагыйдәләр барлык төбәкләрдә дә кертелгән, әмма бүгенге көндә иң мөһиме әлеге чараларны үтәү.

Элегрәк хәбәр ителгәнчә, коронавирус йоктыручыларның кискен артуы соңгы тапкыр 2 гыйнварда теркәлгән иде.

Сәхифәләр

Covid-19 вазгыяте начарлану сәбәпле, Россиядә массакүләм чаралар тыела