news_header_top_970_100
16+
news_header_bot_970_100

Мөслим урамнарында карантин турында татарча хәбәр итеп йөриләр

Халыкны өйдә утырырга өнди торган видео кадрлары социаль челтәрләрдә чыкты.

Мөслим урамнарында карантин турында татарча хәбәр итеп йөриләр

(Казан, 3 апрель, «Татар-информ»). Мөслим районында карантин турында татарча хәбәр итеп йөриләр. Авыл урамыннан бара торган машинадан ир-ат тавышы ишетелә. Ул халыкны иминлек сакларга өнди. Бу турыда Фейсбук социаль челтәрендә журналист Лилия Сөнгатуллина хәбәр итте.

Карантин турында хәбәр итеп йөри торган машинаны Лилия Сөнгатуллина видеога төшереп алган.

«Игътибар! Карантин йоктыру куркынычы арта. Кичектергесез сәбәпләр булмаса, өйдән чыкмый торыгыз. Чыгарга туры килгәндә, саклагыч маскалар һәм перчатка кию мөһим. Без һәрберебез инфекция йөртә ала. Бары тик өйдә утыру гына куркынычсызлыкны тәэмин итә. Карантинда өйдә утырыгыз. Үзегезне һәм якыннарыгызны саклагыз», — дип сөйли ир-ат тавышы.

Кичә Россия Президенты Владмир Путин, Covid-19 таралу белән бәйле рәвештә, Россиядә эшләми торган көннәр 30 апрельгә кадәр озайтылачагын хәбәр итте. Аның сүзләренчә, халык сәламәтлеген саклау, куркынычсызлыкны тәэмин итү зур әһәмияткә ия.

«Вазгыять ничек баруга карап, өстәмә карарлар кабул итәчәкбез. Вазгыять мөмкинлек бирсә, эшләми торган көннәрне кыскартырга да мөмкинбез», — диде Президент.

autoscroll_news_right_240_400_1
autoscroll_news_right_240_400_2
news_bot_970_100