Шаһитләр Әлмәттә булган давыл нәтиҗәләрен видеога төшергән
Көчле җил нәтиҗәсендә, туктап торган машиналар өстенә йорт түбәләре ишелгән.
Скопировать ссылку
(Казан, 25 июнь, “Татар-информ”). Шаһитләр Әлмәттә булган давыл нәтиҗәләрен видеога төшергән. Видеоны социаль челтәр кулланучылары Интернетка урнаштырган.
Видеода көчле җил нәтиҗәсендә машиналар өстенә йорт түбәләре ишелгәне күренә. Авыр конструкцияләр кайбер машиналарны тулысынча диярлек сыткан.
- Кичә көндез, Әлмәттә көчле давыл йорт түбәләрен куптарды, агачларны аударды. Штормның үзәгеннән төшерелгән видео да чыкты.
