Рөстәм Миңнеханов Казахстан туризм һәм спорт министры Ермек Маржикпаев белән очрашты
Татарстан белән Казахстан арасында икътисади һәм мәдәни өлкәләрдә бик җылы, тыгыз элемтәләр урнашты. ТР Рәисе Рөстәм Миңнеханов Казахстан туризм һәм спорт министры Ермек Маржикпаев белән очрашуда шулай дип белдерде.
«Безгә туризм һәм спорт буенча хезмәттәшлекне көчәйтергә кирәк», - диде республика җитәкчесе.
Маржикпаев 2024 ел башында Казанда үткән Киләчәк Уеннарында алган хис-кичерешләре белән уртаклашты. «Киләчәк Уеннарыннан кайткан безнең делегация чараның югары дәрәҗәдә оештырылуын билгеләп үтте. Турнирның реаль һәм виртуаль спортны берләштерә торган форматына бүген ихтыяҗ зур», - дип искәртте министр.
Элегрәк Миңнеханов Төркестан өлкәсе Акиме Дархан Сатыбалды һәм Кызылорда өлкәсе Акиме Нурлыбәк Налибаев белән очрашкан иде.