Сәясәт 1 июль 2020 15:24

Россиядә сайлауга килүчеләр саны 60 проценттан артып киткән

Сайлачуыларның 72,92 проценты Конституциягә төзәтмәләр кертүне хуплап тавыш биргән.

Скопировать ссылку

(Казан, 1 июль, «Татар-информ»). Россия Үзәк сайлау комиссиясе мәгълүматларына караганда, Конституциягә төзәтмәләр кертү буенча тавыш бирүдә уртача килү 60 проценттан артып киткән. Бу хакта «РИА Новости» хәбәр итә.

Россия Үзәк сайлау комиссиясе белешмәсе буенча, сайлаучыларның 72,92 проценты Конституциягә төзәтмәләр кертүне хуплап тавыш биргән. Бу сан бюллетеньнәрнең 0,79 проценты эшкәртелгәннән соң чыгарылган. Катнашучыларның 25,84 проценты каршы тавыш биргән», диелә РИА Новости хәбәрендә.

Исегезгә төшерәбез, бүген Россиядә Конституциягә төзәтмәләр кертү буенча бердәм тавыш бирү көне.

Татарстан Республикасында да сайлаулар актив бара. «Көндезге сәгать унга сайлауга килүчеләр саны 2 млн 107 мең 684 кеше булды, бу сайлаучыларның 71,58 процентын тәшкил итә», — дип белдерде Татарстан Үзәк сайлау комиссиясе рәисе Андрей Кондратьев.

Районнарда да эш актив бара. Мәсәлән, көндезге унике сәгатькә Мөслим халкының 87 проценты тавыш бирергә өлгергән.

#Россия конституциясенә төзәтмәләр

Сәхифәләр

Россиядә сайлауга килүчеләр саны 60 проценттан артып киткән