Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә коронавирус белән авыручылар саны ноябрьдә иң күбе булыр дип фаразлана
Фаразга караганда, йоктыручыларның максималь саны көнгә 16,8 меңнән 23,3 мең кешегә кадәр үзгәрә.
(Казан, 9 октябрь, «Татар-информ»). Россиядә Covid-19 инфекциясе белән авыручылар күрсәткеченең пигы агымдагы елның ноябрь ае башына туры киләчәк. Бу Сбериндекс порталында урнаштырылган «Сбер» фаразыннан күренә.
Аналитиклар куллана торган модель буенча, ил халкы саклау чараларын үтәгәндә, эпидемия пигы 8 ноябрьдә узачак. Бу көнне тәүлек эчендә авыручылар саны 16,8 мең кешедән артып китәчәк.
Әгәр дә россиялеләр үзләрен пандемия булмаган кебек тотса, авыручыларның максималь саны бер көн эчендә 23,3 мең кешедән артып китәчәк. Хәер, санитар-эпидемиологик чаралар яхшы үтәлгән очракта авыру йоктыручылар саны 17,6 мең чамасы булачак.
Әгәр иминлек чараларын бозу еш булса, авыруны йоктыру пигы 12 ноябрьгә туры киләчәк. Шул ук вакытта тәүлек эчендә авыру йоктыручылар саны якынча 22 меңгә җитәчәк.
«Фараз авыру таралу динамикасын тасвирларга ярдәм итә торган SEIR математик моделен кулланучы эпидемиологик симулятор базасында төзелгән», — ди белгечләр.
Элегрәк «Татар-информ» мәгълүмат агентлыгы узган тәүлек эчендә Татарстанда коронавирусның 32 очрагы ачыкланган, дип хәбәр итте.
Кызыклы яңалыкларны күзәтеп бару өчен Телеграм-каналга язылыгыз