Җәмгыять 11 сентябрь 2017 19:33

Россия авиакомпанияләре августта пассажир ташуны 15 процентка арттырды

Быелның августында пассажирлар саны 11,8 миллион кешегә җиткән.

Скопировать ссылку

(Казан, 11 сентябрь, «Татар-информ»). Илнең авиакомпанияләре августта пассажир ташуны, узган елның шушы чоры белән чагыштырганда, 15 процентка арттырды. Бу хакта, Федераль һава транспорты агентлыгына сылтама биреп, “Известия” яза.

Шул рәвешле быелның августында пассажирлар саны 11,8 миллион кешегә җиткән. Иң зур үсеш "Аэрофлот – Россия авиалинияләре" ( 3,2 миллион пассажир), "Россия" (1,4 миллион кеше), S7 (1,1 миллион кеше), "Урал авиалинияләре" (968,6 мең пассажир) авиакомпанияләрендә билгеләнгән, дип хәбәр итә RNS.

Почта һәм йөк ташу августта, 10,7 процентка артып, 91,2 мең тоннага кадәр җиткән.

Элегрәк iz.ru порталы көз һәм кыш айларында Мәскәүдән Сочига һәм Краснодарга рейслар артачагын хәбәр иткән иде.

#Авиарейс

Сәхифәләр

Россия авиакомпанияләре августта пассажир ташуны 15 процентка арттырды