Ренат Хәлимов «Иннополис» махсус икътисади зонаны җитәкләде
Хәлимов бу вазифага махсус икътисади зона Директорлар советы карары буенча билгеләнде.
Скопировать ссылку
(Казан, 23 август, «Татар-информ»). Ренат Хәлимов «Иннополис» махсус икътисади зона» акционерлык җәмгыятенең генераль директоры булды. Бу мәгълүматны «Иннополис» та расладылар.
Хәлимов бу вазифага махсус икътисади зона Директорлар советы карары буенча билгеләнде. Яңа генераль директор үз вазифасына кереште.
- Хәлимов Бөекбританиянең Cavendish Group компаниясендә сату һәм маркетинг буенча менеджер, инвесторлар белән элемтәләр идарәсе начальнигы, «Алабуга» МИЗ генераль директоры урынбасары булып эшләгән. 2016 елдан ул Чаллыда «Полихим Системс» компаниясе белән җитәкчелек иткән.
- Элек бу вазифаны Игорь Носов биләде. Ул агымдагы елның июлендә Түбән Новгород өлкәсе губернаторы урынбасары вазифаларын башкаручы итеп билгеләнде.