Митрополит Феофанны Казан Изге Ана иконасы чиркәве янында җирләделәр
Татарстанның идарә итүче архиерие 73 яшендә вафат булды.
Скопировать ссылку
(Казан, 23 ноябрь, «Татар-информ»). Казан һәм Татарстан митрополиты Феофан Казан-Богородица ирләр монастыре территориясендә Изге Ана иконасы чиркәве янында җирләнде. Дин әһеле әлеге чиркәүне торгызуда зур хезмәт куйды.
Гыйбадәтханә янындагы мәйданда кабер урыны кирпечтән әзерләнде. Соңгы юлга архиерийны озатырга республиканың җитәкчеләре, дин әһелләре, дин тотучылар килде.
Казан һәм Татарстан митрополиты Феофан 2020 елның 20 ноябрендә Мәскәүдә вафат булды. Республиканың православие җәмгыятен ул 2015 елның июленнән җитәкли иде.