Екатеринбург митрополиты Кирилл Татарстан митрополиясе башлыгы итеп билгеләнде
Бүген Рус Православие Чиркәвенең Изге Синод утырышы булды, анда митрополиянең яңа башлыгын билгеләү турында карар кабул ителде.
(Казан, 8 декабрь, «Татар-информ»). Екатеринбург митрополиты Кирилл Татарстан митрополиясе башлыгы итеп билгеләнде. Бу хакта «Татар-информ» агентлыгына Татарстан митрополиясеннән хәбәр иттеләр.
Бүген Мәскәү һәм бөтен Русь патриархы Кирилл рәислегендә Рус Православие Чиркәвенең Изге Синод утырышы булды. Синод Казан һәм Татарстанның яңа митрополитын билгеләү турында карар кабул итте. Утырыш онлайн режимында узды.
Митрополит Кирилл моңа кадәр Екатеринбург һәм Югары Тура митрополиясе башлыгы булды. Синод аны бу вазифадан азат итте һәм митрополияне җитәкләгән вакыттагы эшчәнлеге өчен рәхмәт белдерде.
Татарстан митрополиясенең яңа башлыгы әле Екатеринбургта.
«Татар-информ» агентлыгы Татарстан митрополиты Феофанның Мәскәүдәге бер хастаханәдә коронавирус инфекциясеннән вафат булуы хакында хәбәр иткән иде.