Радик Юльякшин журналистларның “Үзгәреш җиле" проекты турындагы соравын җавапсыз калдырды
Җырчы бу музыкаль фестиваль турында болай да күп сөйләнде, дип белдерде.
Скопировать ссылку
(Казан, 3 ноябрь, “Татар-информ”, Чулпан Шакирова). Татар-башкорт эстрадасының популяр җырчысы Радик Юльякшин журналистларның “Үзгәреш җиле”нә кагылышлы сорауга җавап бирергә теләмәде. Бу хакта ул “Татар-информ”да узган матбугат очрашуында әйтте.
“Бу (“Үзгәреш җиле” проекты – ТИ искәрмәсе) шундый тема, аның турында инде күп сөйләнде. Рөхсәт итсәгез, мин бу сорауны җавапсыз калдырам”, – диде Радик Юльякшин.
- “Үзгәреш җиле” – Татарстан Президенты Рөстәм Миңнеханов йөкләмәсе һәм ярдәме белән тормышка ашырыла торган музыкаль проект. Аның максаты – татар эстрадасын халыкара югарылыкка күтәрү.