Рөстәм Миңнеханов митрополит Феофан вафатына бәйле рәвештә кайгы уртаклашты
Казан һәм Татарстан митрополиты кичә кич Казанда вафат булган.
Скопировать ссылку
(Казан, 20 ноябрь, «Татар-информ»). Татарстан Президенты Рөстәм Миңнеханов Казан һәм Татарстан митрополиты Феофанның вафатына бәйле рәвештә, кайгы уртаклашты. Бу хакта республика Президентының матбугат хезмәте башлыгы Лилия Галимова хәбәр итте.
«Рөстәм Миңнеханов, митрополитны лаеклы рәвештә соңгы юлга озату өчен, җирләүне оештыру буенча барлык эшләрне башкарырга йөкләмә бирде», — диде ул.
Митрополит Феофан 2020 елның 20 ноябрендә коронавирус инфекциясеннән вафат булды. Ул Митрополияне 2015 елның июленнән бирле җитәкли иде.