Павлова Питрауда: Татарстан халыклары мәдәни кодын һәм традицияләрен саклау мөһим
Питрауда Татарстанның 22 районын һәм Россиянең башка өч төбәген тәкъдим иткән 30 иҗат коллективы чыгыш ясады.
(Казан, 18 июль, «Татар-информ», Эльза Кузнецова). Россия Дәүләт Думасының VII чакырылыш депутаты Ольга Павлова кичә Татарстанның Мамадыш районы Җөри авылында узган керәшеннәрнең традицион Питрау бәйрәмендә булды.
Парламентарий ишегалларын карады һәм күргәзмәләрдә булды.
«Керәшеннәр — бик аз халык, әмма бу бәйрәмгә килү мөмкинлеге ярдәмендә теләге булган һәркем аларның традицияләре белән таныша ала», — диде Павлова.
Депутат Татарстан Хөкүмәтенә Республика халыкларының гореф — гадәтләрен саклап калулары өчен рәхмәт белдерде.
«Республика җитәкчелегенә һәм Татарстан керәшеннәренең иҗтимагый оешмасы идарәсе рәисе Иван Егоровка Татарстан халыкларының мәдәни кодын һәм традицияләрен саклап калулары өчен аерым рәхмәт белдерәсем килә.» — дип искәртте ул.
Бәйрәм кунаклары ат чабышлары, милли көрәш һәм башка ярышларны карый, халык уеннарында катнаша алды. Тамашачылар алдында Татарстанның 22 районын һәм Россиянең башка өч төбәген тәкъдим иткән 30 иҗат коллективы чыгыш ясады.