Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин үтенече буенча, Казан волонтеры Рөстәм Миңнехановны туган көне белән котлады
Татарстан Президенты хатын-кыз волонтерлар белән очрашты, аларны 8 Март белән котлады.
(Казан, 5 март, «Татар-информ»). #Без бергә акциясе волонтеры Хөрия Халитова Татарстан Президенты Рөстәм Миңнехановны узган туган көне белән котлады. Элегрәк аңа котлау тәкъдимен дәүләт башлыгы Владимир Путин әйткән иде.
ТР Президенты матбугат хезмәте җитәкчесе Лилия Галимова хәбәр иткәнчә, волонтер Казан Кремлендә тантаналы чара вакытында республика җитәкчесен котлаган.
«Татарстан Президентын туган көне белән котлады микән, дип күп кеше сорый. Котлады», — диде Галимова.
Бүген Татарстан Республикасы Президенты Рөстәм Миңнеханов республика хатын-кыз волонтерлары белән очрашты, аларны 8 Март белән котлады.
Очрашуда катнашучы Хөрия Халитова элегрәк Россия Президенты Владимир Путин белән очрашуда булган иде. Президент Татарстанда ирекле ярдәм күрсәтүчеләр хәрәкәте үсешен югары бәяләде. Әңгәмә вакытында Путин аңа шушы көннәрдә Миңнеханов үзенең туган көнен билгеләп үткәнен искә төшерде.
«Сез аңа шалтыратмадыгызмы, котламадыгызмы? — дип сорады ул. — Аңа шалтыратыгыз, котлагыз. Аңа бик күңелле булачак. Аның белән якын арада әзерләнгән проектлар буенча фикер алышыгыз, ул сезгә ярдәм итәр дип ышанам».
Кызыклы яңалыкларны күзәтеп бару өчен Телеграм-каналга язылыгыз