Марат Садыйков янә Татарстан сәламәтлек саклау министры вазифасына билгеләнде

Рөстәм Миңнеханов республика министрларын раслауны дәвам итә.

(Казан, 1 октябрь, «Татар-информ»). Марат Садыйков янә Татарстанның сәламәтлек саклау министры вазифасына билгеләнде. Бүген Татарстан Президенты Рөстәм Миңнеханов тиешле указга кул куйды.

«Садыйков Марат Наил улын Татарстан Республикасы сәламәтлек саклау министры итеп билгеләргә», – диелә документта.

Марат Садыйков республика министрлыгын ике елдан артык - 2018 елның февраленнән бирле җитәкли.

Республика министрларының бер өлешен Рөстәм Миңнеханов кичә раслады инде.